التجارة الالكترونية لا صحاب المهن الهندسية الجزء الثاني

بسم الله الرحمن الرحيم

بعض تعريفات واسئله هامه في تقنيات التجاره الالكترونية

اولاً :اعتذر عن اسلوبي العامي و الركيك و اخطائي الاملائية و المعذره فانا حاليا لا املك الوقت الكافي لمراجعة المقاله لغويا او حتي صياغتها بلغه عربيه سليمه فلتمسو ا لي العذر

ثانياً: قال الشافعي

أخي لن تنال العلم إلا بستةٍ
سأنييك عن تفاصيلها ببيـان
ذكاء وحرص واجتهاد وبلغه
وصحبة استاذٍ وطول زمان

الذكاء و كلكم اذكياء ان شاء الله و كلكم حريصين و مجتهدين و الاساتذه كثير جدا هذه الايام والحمد لله و الانترنت خالي الاستاذ موجود 24 ساعه  ام بقه الصعوبه فعلا في الاخيره وطول زمان فمحدش يستعجل

يعني ايه اسكربت اصلا؟؟؟؟

اسكربت يعني و يب ابلكشن

يعني ايه ويب ابلكشن يعني برنامج يكون واجه المستخدم فيه تعمل من  المتصفح

و تتميز الاسكربتنج لنجوش بانها لغات انتر بريتيد

طبعا عارفين يعني ايه انتربريتيد

و زيده في المعرفه برضوا و النقطه الي تهمنا و العمليه

انتربريتيد يعني عندما تحصل علي البرنامج هتحصل معاه علي السورس كود

جديده دي مش كده

المزيد من التوضيح

هنتكلم دلو قتي في حتت الكومبيلد والانتر بريتيد

انت ام تعمل برنامج مثلابلغه فيجول بيزك المحبوبة للجميع

انت بتكتب السورس كود

تمام وتدوس علي ماك كذا exe

معايا الي في قائمه فيل

ده اختيار بيكون في بيئه التطوير الخاصة باللغات التي تعمل بالكومبيلر

دي اسمها عملية  الكومبيلاشن

تمام يعني هتبيع البرنامج بتاعك النسخه الاي اكس اي

و هيعمل البرنامج بتاعك علي جهاز العميل دون السورس كود التفسير او اللغات المفسرة (الانتربرتيد) عكس ذلك

اللغات الانتربريتيد


هي لغات تعمل بستخدام انتر بريتر بدلا من الكومبيلر

الانتربرتر بتقوم بتنفيد البرنامج سطر سطر

من السورس كود

تمام

مبتطلعش exe

لغات الويب لا تستعمل الكومبيلرز و انما تستمل الانتربريتر

و اشهر لغات الويب للعلم هي بي اتش بي

تمام

يعني مثلا اشهر المنتديات مبرمجه بلغت بي اتش بي

كيف  ينفد الاسكربت ؟؟؟؟

عادي ام تحمل صفحه بي اتش بي

هيقوم الانتربريتر بتاع البي اتش بي المدموج في الويب سيرفر بتفسير او عمل انتربريتاشن للصفحه ويخرج الاوبت بتعها اتش تي ام ال و يرسله الي المتصفح

سؤال

الاسكرتات دى زى ايه بالضبط ؟

بصوا يا باشمهندسين الاسكربتات دي كثيره جدا

مثلا المنتديات دي نوع من الاسكربتات

المدونات

اي برنامج ويب ديناميكي و هنوضح حالا يعني ايه ديناميكي اسمه اسكربت

عارفين الايمال بتاع الياهو و الجوجل الخ برضو اسمه اسكربت

طب الفيس بوك برضواسكربت

نيجي بقه لحته مهم جدا حكاية الدينامك

اي حاجه تعمل في المتصفح

حاجه من 2

يااما استاتك بيج

معموله با اتش تي ام ال فقط

او دينامك بيج محتواها ( اي محتوي الصفحة الي تظهر علي الموقع ) بيتغير بدون تدخل مني  يعني مثلا لو عملت مشاركه في الفيس بوك هل انا كتبت الا تش تي ام ال والسي اس اس و الافلامنات دي كلها الي موجوده في الصفحة ولا كتب المشاركه بس عادي بلين تكست كلام مجرد اهي الموقع الي فيها الامكانيات دي  نسميها اسكربت علي طول

الجانب  الاخر حتي تتضح الصوره لو موقعي اتش تي ام ال و عاوز اضيف فيه صفحه جديده هعمل ايه هفتح فرونت بيج او دريم ويفر و اكود الصفحه ها اكود الصفحه و بعدين ارفعها نبفسي علي الموقع

عسها وضحت الفرق بين الدينامك والا ستتك

و المزيد كالاتي

فيه نقطه من النقطه الي بتعمل لبس الا وهي  الجافا اسكربت

دي لغه تعمل في جهة العميل و هي تختلف عن الاسكربتات الي احنا بنكلم عنها لان الي احنا بنتكلم عنها تعمل في جهع الخادم وينفذها الويب سرفر الي علي السرفر الي عليه الموقع بينما الجافا اسكربت تعمل في جهه العميل و ينفذها الكلينت الي هو المتصفح بتعنا علي جهازنا

ايه الفرق بين الجهاز العادي و السرفر؟؟؟

حاجتين

1- السرفر بيكون متوصل بالانترنت بكو نكشن عاليه جدا

2- ان الخاده بيكون عليه سوفت وير يجعله يعمل كخادم

ايه هو السوفت وير دوت

علي الاقل حاجتين

اذا كان خادم ويب

1- و يب سيرفر بمكوناته

2 – دتا بيز سيرفر

تمام نمسكهم حاجه جاجه

و نوضح تاني و نقول

اذا كان خادم ويب يكون علي السرفر البرنامجين  دول علي الاقل

بالاضافه ان ممكن يكون هناك خادم بريد الخ

فير و ال وهكذا

النقطه دي و اضحه

تمام نمسك خادم الويب

و ظيفته

ان ام حد يطلب من السرفر صفحه و يب الخادم يجيب الصفحه ويرد علي الطالب بانه يبعتله محتويات الصفحه حسب برتكول

http

تمام

مع مروار الوقت ظهرت الحاجة الي الصفحات الدينامكيه يعني ايه

يعني الي تتغير محتويتها بدون تدخل من صاحب الموقع اي بدون ما يعدل صاحب الموقع ملفات الاتش تي ام ال

فظهرت لغات برمجه الويب

منها البي اتش بي

تعمل ايه دي مثلا

اوبمعني اصح  خادم الويب بيعمل ايه في الحكايه ديت

مثلا اسكربت عبيط جدا يعرض الوقت الحالي بتاع  السرفر

يتنفذ ازاي

كالاتي

عندما يطلب المستخدم الصفحه الي فيها الاسكربت ولتكن www.ahmed.com/time.php

ما ذا سيحدث

اولا الخادم ياخد اسم الصفحه

تمام و يحللها

لو وجد انها اتش تي ام ال فقط هيبعتها زي ما هي

لكن لو وجد ان فيها اسكربت  بلغة ما  هيقوم يديه لمفسر هذه اللغة الي مدمج جو الخادم

تمام

مثلا هي معموله ببي اتش بي

هيديها لمفسر البي اتش بي

تمام

هينفذ البرنامج سطر سطر

تمام البرنامج هيكون كلاتي

فيه امر يجيب قيمة الساعه الحاليه من علي السرفر

تمام

الامر التاني انه يطبع الوقت الحالي للمستخدم

تمام

الدخل القياسي و الخرج القياسي في لغات برمجة الويب بيكون اتش تي ام ال وتقدرو تعيبروم ان لغات الويب دي زي السي كده اندر دوس يعني الاسكربت فيه داله او فنكشن بتقول اطبع الاستربج دي يقوم يطبعها الي خرج البرنامج الي هو صفحه الويب ملناش دعوه  بالوجهات الرسومية دلوقتي (طبعا فيه مكتبات رسوميه بس التكنيك مش زي البرامج بتاعت الجهاز المكتبي الي هي اي اكس اي )

يعني امر الطباعه هيطلع خرج اتش تي ام ال تمام يقوم المفسر المدمج مع الخام يبعت خرج البرنامج االي هو اتش تي ام ال للخادم

والخادم يبعت الخرج لجهاز الزئر الي المتصفحه بتاعه هيعرضه علي شاشته

ارجو ان تكون  القصه قد و ضحت

معلومه سريعه

سرعه النت تقاس بالكيلو بت وليس بالكيلو بيت

يعني الدي اس ال 256 كيلو بت ينزل من النت بسرعه حوالي 32 كيلو بيت

تمام

سرعه الابلود في الاايه دي اس ال ربع سرعه الدون لود والذكي هيعرف ليه حطوا حرف  ايه ADSL

يعني كده متفقين ان سرعه الابلود للخط ال 512= تساوي 16 كيلو

ندجل بقه في حسابات المواقع و مواصفتها و متطلبتها

الموقع الي هتحجزه الاستضافه يعني

سواء مجانيه او مدفوعه

تحدد بعدت اشياء اهما

1- مساحه الاستضافه

و دي بتحدد حجم الدتا والاسكربتات الي علي الموقع

2-  الترفيك  وده بيتحسب بالشهر (يعني كل شهر يتعمله ريست ويحسب من جديد) يعني ايه وايه المشكله

يعني لو موقعك صفحه واحده 100 كيلو كل و احد يشفها ينقص من الترفيك بتاعك 100 كيلو طب لو احد شفه و بعدين عمل رفرش ينقص 200 طب شافها اربع مرات في اليوم مختلفين يعني يدخل علي الموقع و يخرج او بعد ما الصفحه تحمل يعملها رفريش يستهلك من الترفك 400 كيلو

تمام دي الصفح و لحد كده مقدور عليه نيجي بقه لحته مهمه جدا الملفات الي بتتحمل تعلوا بقه نحسبها مع بعض كذلك

لو حد حمل ملف ميجا محطوط علي موقعك ينقص من الترفيك بتاعك ميجا تمام لو 100 حملو ا الملف  ينقص 100 ميجا

معايا ولا نوضح اكثر

طيب كده فيه مشكله عندي مثلا ملف فيلم كارتون او محاضره فيديو 500 ميجا اقو لك تبقي جنيت علي نفسك  لو حطتها علي موقعك للتحميل بطريقه مباشره والترفيك بتاعك هيخلص في 3 ايام مش اكثر

لو الترفك بتاعك خلاص يقولك الموقع سسبندد طب الحل ايه

الحل بقه؟؟؟؟؟؟؟؟؟؟؟؟؟؟

اولا: رفع ملفات الدتا الي عاوزين الناس تحملها علي مواقع تحميل الملفات

ثانيا: وضع روابط الملفات الموجوده علي مواقع الرفع  في الموقع  الخاص بنا

نوضح اكثر

الحل خطوتين

الخطوة الاولي : نزيح الملف ده في مكان مش علي موقعنا

و في نفس الوقت الناس تقدر تحمله

ومن غير مندفع فلوس

المكان ده هو مواقع رفع الملفات فور شيرد مثلا

طب ازاي

هنعمل اكونت مجاني في فور شيرد

تمام هيدينا مساحه 15 جيجا

ادمنا طريقتين لرفع الملفات

من الموقع نفسه بالمتصفح

او نرفعهم وده الاسهل و الافضل ببرنامج اسمه فور شيرد ديسك توب و يدعم استكمال الرفع اذا انقطع الاتصال

نوضح اكتر

هتعملوا اكونت علي فور شير او غيره

الرفع له كذا طريقه حسب الي بيتحهلك الموقع الي اشتركت فيه

بالنسبه لفور شيرد بيتيح طريقتان

الطريقه الاول تدعمها جميع المواقع بلا استثناء

و هي انك تخش الموقع و تسجل دخول بالاكو نت بتاعك

بعدين من المتصفح ترفع الملف الي عاوزاه زي مبتعمل اتتشمنت للايميل تقريبا

و دي غير مفضله ليه

لانه لو الاتصال انقطع في النص الملف هتعيد من الاول وبطيئه نوعا ما

فور شيرد من مميزاته انه يعطيك  برنامج خاص اسمه فور شيرد  ديسك توب

اول متفتحيه هتعمل  لوج ان من البرنامج علي الاكونت بتاعك

و ترفع  الملفات عادي كله من البرنامج حتي لو مش فاتح المتصفح

هو شبه الاكسبلورار

هيجبلك الاكو نت بتاعك كانه هارد ديسك وانت بتتصفحيه بالاكسبلورار

الخطوة التانية : بعد ماانا اكون رفعت ملفاتى ع فور شير دلوقتي عاوز  اخلي الناس تحملها اعمل ايه؟؟؟؟؟؟؟؟؟؟؟

بص يا سيدي خاليك معايا

كل الملفات المرفوعة واللينكات الخاصه بيها هتكون طبعا عائده الي  الفورشير

هتدوس كليك يمين علي الملف الي رفعته في الفور شيرد ديسك توب

تمام ام تدوس كليك يمين

اختار من القيمه الينك بتاع صفحه تحميل الملف

تمام هيدك ربابط لصفحه اتش تي اما ال

الرابط دوت هتخده تحطيه عندك في الموقع في الموضوع الخاص بتحميل الملف الي رفعته

الي بيقره الموضوع هيلاقي مثلا عباره لتحميل هذا الملف اضغط الرابط التالي

تمام

الرابط التالي دوت انت الي هتكون حطه الا وهو ايه بقا  رابط الملف الي انت حملته علي فور شيرد ولسه واخد الرابط بتاع صفحه تحميله زي ما قلنا في الخطوه الي فاتت  من الفور شيرد ديسك توب

هيضغط علي الرابط هيقوم الرابط يفتحله صفحة التحميل علي الفور شيرد

تمام هيتبع الخطواط حتي يحمل الملف

تمت

تمام كده حلينا مشكله الترفيك

نعود بقه الي مواصفات المواقع

كل موقع يا باشمهندسين قلنا ام نيجي نشتريه له 3 حجات

تمام

1-            الدومين نيم

تمام

2-             المساحه بتاعت الاستضافه الي هترفع عليها الموقع

3-            الترفيك المخصص ليك

تمام

فيه شركات  بتديك استضافه مجانيه حره تحط فيها الي انت عيزه

لكن دائما الاستضافه المجانيه تكون بحاجه اسمها سب دومين وليس دومين كامل

يعني ايه سب دو مين ؟؟؟؟

يعني مثلا

www.ahmed.12345.com

شا يفين ال 12345 دولت هم الدومين الخاص بصاحب الاستضافه  و انت خدت السب دو مين الي هو احمد وهيكون عنوان موقعك كما هو في الاعلي www.ahmed.12345.com

وليس كالمدفوع مثلا www.ahmed.com

تمام يعني القصد اننا نقول انه يو جد استضافه مجانيه لكن لا يوجد دومين مجاني

نخش بقه علي انو اع الاستضافات المجانيه

فيه يدك مساحه واعمل الي انت عاوزاه

مدونه منتدي اي اسكربت يعجبك تركبيه

تمام

و فيه استضافه هي في الحقيقه متسماش استضافه

و انما بتديك حاجه جاهزه خالص

يعني فيه مواقع بتدي منتديات مجانيه

مدونات مجانيه

زي بلوجر

و منتديات زي احلا منتدي

و ضحت العمليه ديت

خدت الاستضافه الفاضيه الي تحطي عليها الي يعجبك

ايه بقه الي هتحصل عليه معاها ؟؟؟؟

هيديك لوحه تحكم في الموقع جميل ممكن منها ننشي داتا بيز مثلا او بعمل باك اب للموقع ونشوف تقرير عن حالت المساحه والترفك واشياء اخري هنكلم فيها فيما بعد في الاستضافات المجانيه غالبا هتلاقي اللوحه دي اسمها غالبا فيستا بنل و في المدفوعه اسمها غالبا سي بنال

هيدك غالبا في المجاني و دائما في المدفوع اف تي بي اكونت

و ما هو بقه  الاف تي بي ؟؟؟؟

فيل ترنسفير بروتوكول

الاف تي بي ده ليه كلينت زي المتصفخح كده

تمام هتدخل جوه الكلينت ده 3 معلومات ايه هم

رقم الاي بي بتاع السرفر الي عليه الاستضافه

واسم المستخدم  والباسورد الي هم اسمهم علي بعض الافي تي بي  الاكونت

ودا هعمل بيه ايه؟؟؟؟

ومين الي هيدني معلومات الاكونت ديت؟؟؟

دولت هيدهملي ام اخد الاستضافه المجانيه او المدفوعة

هيدوني ال3 معلومات دولت

تمام

بيعمل ايه بقه الاف تي بي دوت ؟؟؟

هو برتكول لنقل الملفات

من جهازك الي السرفر و العكس

جميل بعد ما تدخل الاكو نت جوه الكلينت ويتتصل بالسرفر هتلاقي عندك زي 2 اكسبلورر واحد منها بيوضحلك الموقع بتاعك الي علي السرفر

وواحد بيو ضحلك جهازك

و ما هي الانقرات بالموس لتختار الملفات او الفو لدرات الي عاوز ترفعيه من جهازك الي السرفر وتقللو ارفع علي السرفر و يقوم الكلينت برفعها الي السرفر

ايه يا تري الملفات الي هرفعها؟؟؟؟؟؟؟؟؟؟؟؟؟؟؟

طبعا الاسكربت بتعنا او موقعنا ايا كان

كيف اختار الاستضافه المجانيه ؟؟؟؟؟؟

حسب الحاجه

او لا

هل الموقع ديناميكي ام استا تيكي

فهنك استضافات مجانيه لاتقبل الا المواقع الاستا تيكيه

اذا كان دينا ميكيا فكم قاعده بيا نات احتاجها غالبا و احده لكل اسكربت

لان الاستضافات تعطيك عدد محدود كلا حسب عرضه

تمام قبل هذا وذاك

6 حاجات

1- هل الاستضافه تضع اعلانات خاصه باصحاب الاستضافه هذا فقط في المجانية

2- هل الاستضافه تقبل مواقع باللغه العربيه ام انها تستضيف مواقع بالانجليزيه فقط هذا فقط في المجانية

3- كم المساحه التي ساحصل عليها لوضع ملفاتي

4     – ماهو البندويدث الذي سا حصل عليه

5-هل هناك لوحه تحكم دائما موجوده في المدفوعة

6- هل رفع الموقع سيكون عن طريق  اف تي بي اكونت ام

سيكون عن طريق المتصفح دائما اف تي بي في المدفوعة

دول اهم 6 حجات

كل و احد بيحاول يقدم حاجه بزياده ويققلل في الحجات الاخري

عرفتوهم

هذا بالنسبه الي المواقع التي تعطي مساحه حره

كثر الاتجاه حديثا الي المواقع الجاهزه يعني الي بتديك مدونه او منتدي

و اشهر المدونات هي بلوجرو انا جربتها ممتازه

وكنت عامل موقعي عليها في الاول و كان ماشي ماشاء الله زي الفل

و هناك مواقع تعطيك مدونات مجانيه وهي ايضا ماشيه زي الفل

ملحوظه ام تاخد مدونة او منتدي لن يكون هناك لوحة تحكم في الموقع او الاف تي بي و انما سيكون هناك لوحة تحكم المدونه او المنتدي

مهم جدا محدش يشتري حاجه ولا يحجز حاجه مجانيه ولا مدفوعه الا بعد منخلص شويه ملاحظات المره الجاية

نصيحه عن تجربه وكل و احد حر

الاستضافه الي بتدي مساحه فاضيه غالبا سيئه جدا لدرجة انك ممكن تحط الموقع بعد يومين متلاقيش الملفات الي رفعتها

فنصيحتي انك لو عاوز مجاني خدلك مدونه علي بلوجر

و نصيحتي بلاش مجاني من اساسه ومتضيعش و قت دول 150 جنيه في السنه جرب و انت ونصيبك المخاطرة مش كبيره

مع تحيات

اخوكم مهندس / احمد جاد الله فرحات

الاحد 16 شعبان المبارك

17 /7/2011


Subscribe to farahat-library
أشترك في المجموعة البريدية
ليصلك كل ما تريدة
Email:

Possibly Related Posts:


كتب في نفس المجال او من نفس الفئة

احكام وحكم
كيف يستطيع محبى الإنترنت أن يستفيدوا من أوقاتهم لا سيما فى عصر البطالة الذى نحياه
مقرارات كليات الهندسة باقسامها قسم الاتصالات قسم التحكم قسم علوم وهندسة الحاسبات
التجارة الالكترونية لا صحاب المهن الهندسية
التجارة الالكترونية لا صحاب المهن الهندسية الجزء الثالث
اسهل طرق الربح المرجع المصور الوحدة الاولي
اسهل طرق الربح المرجع المصور الوحدة الثانية
دورة التجاره الالكترونية الجزء الاول
100 طريقة لجلب الزوار
20 طريقة لجلب الزوار من فيس بوك
About farahat 1474 Articles
الــبــاجور - المـنـوفـيـة - جمهورية مصر العربية 0106331333 مهندس /احمد فرحات درس هندسه و علوم النظم و الحاسبات و له خيرة 18 عام في المجالات الهندسية المتعلقه بالنظم الهندسية كافة سواء كانت نظم لها علاقة بالعتاد (كهربيه - الكترونية - ميكانيكية) او نظم لها علاقة بالبرمجيات و قد حصل علي دبلومة مابعد التخرج في هندسه و علم الحاسب

Be the first to comment

Leave a Reply

Your email address will not be published.


*